April 2024 PAD Challenge

Sukad nahuman nako akong Master Degree miaging tuig, wala pa natuman ang akong gisaad sa akong kaugalingon: ang makasulat og libro diin akong mabubo ug mapamalandongan akong nakat-anon isip magtutungha sa kulturag alampat. Naa nay pipila ka mga plano hilabi na sa natad sa pagpanuki pero wala sa akong first love, ang pagsulat og sugilanon ug uban pang matang sa katitikan. Ug buot nako i-timing ning akong pagtuman sa akong saad sa unang adlaw sa Abril diha sa pagsaulog sa Bulan sa Nasudnong Katitikan 

Ug ang una nakong atimanon sa akong mga saad mao ang pagsulat og mga balak. Para mas mapasayon ang pagsulat og mga balak (hilabi na nga wala nako giisip akong kaugalingon isip mambabalak), asa kahay mas maayo kon ato kining duyogan pinaagi sa pagsalmot og usa ka writer's challenge. Kay Abril naman kaon, dili magpaulahi ang PAD Challenge sa Writer's Digest.

The main purpose of the challenge is to write poems, but I also will attempt to highlight my favorite poems of the month from poets who post their poems to each day’s blog posts. -Robert Lee Brewer, Senior Editor of Writer's Digest

Simple lang ang ideya para sa April Poetry-A-Day (PAD) Challenge. Matag adlaw kinahangaln makasulat ug usa ka balak nga mahimo nimong ishare sa imong social media, i-comment sa Writer's Digest website, ishare sa imong suod nga mga higala, o di ba kaha itago lang sa imong drawer. Sa ngalan nga naa lay masulat nga balak para anang adlawa, igo  na para makalampos sa maong challenge.

Kinahanglan kining buhaton kini sa traynta ka adlaw sulod sa bulan sa Abril. Human sa maong bulan, naa nakay 30 ka balak nga pwde nimong irevise o diba kaha imong planohon ipanghatod ngadto sa nagkalain-laing journal ug papangitaan nimo sa ilang tagsa-tagsa ka panimalay diha sa kalibotan sa katitikan.

Sunod pangutana nako sa akong kaugalingon: asa kaha ko mokuhag materyal para sa 30 ka mga balak nga sulatonon sa sunod nga mga adlaw. Dili kana problema. Adunay tulo ka source sa materyal nga pwde nako makuhaag inspirasyon sa mga balak nga akong masulat para niining maong challenge.

1. Personal Writing Notes. Ubay-ubay sad kog mga note, mga draft, sa mga planong mugnaog balak ug balak nga naahat og sulat tungod wala natiwas sa unsang rason wala na sad ko kadumdom. Kon kini lang ang basehan igo na man sad siguro ug makasulat nakog traynta ka mga balak.

2. "Poetic Forms" ni Robert Lee Brewer. Kini nga libro nag-explore sa lain-laing porma sa balak ug matag porma adunay prompt para sundon sa mga mambabalak hilabi na sa mga sama nako nga wala kaayoy naplanong unsay sulaton. Haom kaayo ni para niining maong challenge kay matag adlaw pero rako mag-assign ug usa ka porma sa balak nga sundon isip pondasyon sa balak.

3. Ang mga balak sa Bisaya Magasin. Wala nagkulang ang Bisaya Magasin sa dekalidad nga mga balak nga pwde natong himuong prompt o di ba kaha inspirasyon para sa atong mga balak.Online na ang Bisaya karon.Wala paka naka-subscribe sa online Bisaya Magasin? Click here.

4. Personal responses sa mga balak sa Kabisdak. Ang Kabisdak ang, sa akong pamati, usa sa mga kinadak-ang koleksyon sa mga balak online. Sa kadaghan, posible ko makabuhat og x3 ka mga balak nga gi-require nining maong challenge. Ang buhaton, magpili kog random nga balak nga akong hatagag response kun tubag ngadto sa mambalaka o sa persona sa balak nga akong mapilian. Morag kunohayg balak nga The Passionate Shepherd to His Love ug The Nymph’s Reply to the Shepherd ang tirada, pero syempre dili lang limited sa gugma. Mahimong tubagon isip pangutana sa mga ideya nga gipresenta sa persona o pagsupak o pagsuporta sa mga butang nga gihisgotan.

5. Pagtuis sa mga dili bisayang mga balak. Kini ang kataposang himan nga pwde nako gamiton para lang makalampos ning  maong challenge. Ang ideya niini kay magkuha kog bisag unsang balak nga makita online, siguro mga balak sa mga Pinoy nga dili Bisaya. Hatagan ko kinig rendesyon o i-deconstruct para mugnaon kini gikan sa mga na-distill o nabilin nga parte. Wala pa nako ni nasulayan pero morag nindot ni nga exercise daw reverse engineering sa usa ka balak ug paghatag og possible nga eksplanasyon kon giunsa pagsulat sa mamabalak ang maong balak. Syempre ang insight o tubag niana dili sakto tungod assumption lang kini ug gitrabaho ra nko ang maong pag-assume limited sa teksto mismo. Pero ato ning sulayan.

There you go. Igo naman siguro ni para matawag nga plano. Mao ni ang lima ka hinagiban nga akong dad-on ug gamiton aron molampos nining maong challenge. Pwde sad nga para naay excitement gamay, matag adlaw pwde ko mag-bunot o random nga magpili kon unsang hinagiban ang akong gamiton. Kon unsay matunnong mao to akong gamiton pars sa pagsulat sa balak para sa maong adlaw.

Tan-awon nato kon asa ta kutob aning maong kabuang.

Day 01.