(BALAK) Mga Kamatuoran sa Kandidatura ni BBM #UniTeam

Imahen gikuha gikan sa https://tribune.net.ph/index.php/2022/02/02/bbm-uniteam-stays-united/

Kahiusahan, apil ang mga Moro, maoy inyong gisiguro.Ayaw kalimta ang Jabidah Massacre

Awhagon ang katawhan sa demokrasyag katungod sa pagpadayag Dumduma ang gipriso, gi-torture, gipatay

Walay gutom, pagkaon sa matag talad sa pamilyang Juan Ayaw kalimta nga inangkon ang Nutribun

Ampingan pa ang mga mamumuong kugihan. Dumdoma ang kinabuhing nalubong sa Manila Film Center

Tinuod! Kinasingkasing ang inyong pagserbisyo sa mga pobre. Ayaw kalimta ang pobre nga mas giuna ang mga hayop sa animal nga Imelda sa Calauit

Awa-aw na kaayo ang oligarkiya para sa ilang ugma. Dumdoma si Joel Ablong ug ang kagutom sa Negros

Nunca, transparensiya sa panudlanan ang inyong adbokasiya. Ayaw kalimta ang gipangkawat sa pamilya Marcos

Busa, ayaw palingla sa matam-is nga mga pulong

Basa ug magkat-on og tarong aron dili mailad

Mata na Pilipinas, ang kamatuoran ana-a ra sa cursor mo.