Wa tay Preskong mga Bulak, Kauban

Hulagway kay Kris Gage.

(para sa mga martir sa Kidapawan)

wa tay preskong

mga bulak ron,

Kauban,

nga ikadalit kaninyo

ug nasayod mo niana

ni dahong

lunhaw,

tugkay nga way dahon

ray naa, kabalo ko—

wa tay kahumayan

nga anihon

human na ang tinggutom

wala nay nabilin

kon dili yutang

nagliki-liki

diin ilubong inyong lawas

nga nabulit sa bala

samtang kamo gadangoyngoy

sa mahitungod sa kagutom

pero kauban, paminaw

padayon ang pagsulong

puno ang kadalanan

inyong gihalad inyong dugo

sa among pagtikad sa yuta

manalingsing ang bag-ong ugma.

-----------------------------------------
*usa ka pagsulay (isip hinapos nga pagsaulog sa Nasodnong Bulan sa Alampat) sa paghubad sa Iningles nga balak ni MayaDaniel nga "There were no Fresh Flowers, Comrades", unang gipatik sa iyang blog, click here.

Para sa dugang kasayoran mahitungod kay Maya Daniel, click here.