katulog na, akong banwa

Hulagway gikan sa Storyweaver.

katulog na, akong banwa

ipahuway na ang imong hunahuna, imong lawas

nga mitikad sa yuta,

ang kahilom gatan-aw kanimo

ayaw kabalaka,

manubo lage

ang imong gipananom sa umahan…

Ayaw kabalaka sa mga daro,

sa mga kabaw nga gibiyaan sa balilihan

ang mga pala ug mga gamit pangbisbis,

ang mga atsa ug mga sundang ,

katong mga manok sa payag,

mga baboy, mga kanding,

way makaakog manguha

o mangawat adtong mga kabtangan

gikan sa ato- adunay mata ang mga bato

katulog na, akong banwa

panahon na para magpahulay,

ug permi adunay panahon para sa pagsukol

sa mga gapangawat sa atong mga hago–

mga nanghinobrang interes

taas nga renta sa yuta

ug kitang tanan andam na

panalipdan ang atong umahan ug kinabuhi

batok sa gustong magpapahawa, ug mangilog

niining maong yuta gikan sa ato!

-----------------------------------------
*usa ka pagsulay (isip hinapos nga pagsaulog sa Nasodnong Bulan sa Alampat) sa paghubad sa Iningles nga balak ni MayaDaniel nga "sleep now, my village", unang gipatik sa iyang blog, click here.

Para sa dugang kasayoran mahitungod kay Maya Daniel, click here.