2020 (Virtual) Kombensyon sa BATHALAD Mindanao

I-click dinhi para sa registration sa 2020 Kombensyon sa BATHALAD Mindanao.

Gidapit ang tanang magtutudlo, magtutungha, mambabasa, magsusulat, ug uban pang yanong katawhan sa pagtapok-tapok aron saulogon ang Katitikan ug Pagpanulat sa Binisaya sa Mindanao. Kining maong tapok-tapok gipangunahan sa Bathalan-ong Halad sa Dagang (BATHALAD) Mindanao ug sa Departamento ng Filipino at Iba't Ibang Wika (DFIW) sa MSU-Iligan Institute of Technology (MSU-IIT). 

Espesyal ang kombensyon sa BATHALAD Mindanao karong tuiga tungod sa espesyal nga sitwasyon nga naa ta karon, ang panahon sa pandemiya kun New Normal. Pagahimuon ang kombensyon sa virtual nga plataporma sa GOOGLE MEET karong umaabot nga ika-9 sa Disyembre, ala-una sa hapon. 

Daghang mga aktibidad ang giandam sa pamunoan sa BATHALAD Mindanao pinaagi sa giya ni FR. JON SAGUBAN, ang pangulo sa grupo. Adunay mga giimbitang mga mamumolong nga mga miyembro ug duol sa kasingkasing sa BATHALAD nga mga kaubanan ra gihapon sa pagpanulat. Pagatukion niining tuiga ang kahimtang sa katitikan ug pagpanulat sa Binisaya sa Mindanao taliwala sa pandemiya ug uban pang isyu nga nagpalibot. Hatagan sad og kahigayonan ang pagtuki sa kaugmaon sa BATHALAD Mindanao isip hugpong sa mga magsusulat ug isip usa ka sibikong organisasyon nga adunayng tahas sa pagpanalipod sa kagawasan sa pagpadayag ug sa mga demokratikong prinsipyo. Diri sad ipahibalo sa kadaghanan ang mga update sa organisasyon ug uban pang mga aktibidad nga nakahan-ay para sa umaabot nga mga katugian,

Para sa inyong partisipasyon sa kombensyon, giawhag ang tanan sa pagpatala. I-click lang kini nga link. Ang mga partisipante makadawat og e-sertipiko. Mas maayo kon aduna moy Google Mail (Gmail) para dali ra ninyong ma-access ang GOOGLE MEET. Tulo ka adlaw bag-o ang adlaw sa kombensyon, magapdala ang BATHALAD Mindanao og link sa kombensyon diin pagahimuon ang tapok-tapok. Abri kini para sa tanan. Mas maayo kon inyo sad dapiton ang inyong mga higala. 

Kon aduna moy pangutana, concern, sugyot, ayaw pagduha-duhag pagpadalag email kanamo: bathaladm@gmail.com

I-click dinhi para sa registration sa 2020 Kombensyon sa BATHALAD Mindanao.